RUITERCLUB "DE EENDRACHT"
i Mm
In de vier weken van de Advent kunt u telkens een deel van een in het dialect geschreven
kerstverhaal lezen.
'n Kerstverhaal ien Cassele (deel l)
(geschreven door Jan Strijbos voor de kerstviering 2007 van de KBO-Castenray)
Öp ennen half doonkere middeg, gewoeën dur de waek, liêpe Jozef en Maria dur Cassele öp. Maria
zaat öp d'n ezel en Jozef liep d'r naeve. Ze han al 'n hieël aend geloeëpe en begösse al wat muuj te
werre. Voeste Jan en Door han ze krek nao de middeg ower 't spoor beej de Roland van Mieëldere
af zien kömme en ze dochte nog: "Wat 'n aermoejzaejers zien dat toch! En wat 'n schémmeléndeg
gedoetje!"
Wor ze urren tocht begèst wón, dat wet niemes, mar ze kwame van öntiegelek wied weg, dat is zeker.
Ze wón hier en daor de waeg wat kwiet gerakt en liëpe 'n bitje waezeloos vur zich uut. Jozef baalde
aegelek ok al behuuërlek en mej knaojd'nie zelfs hardop. "Wat zien we toch wér begost, Maria. De
zeul van mien schoen zien bekant gans durgeloeëpe. Ik wooj dat we mar vést beej Wismans Handrie
wón. Dén is nogal héndeg en hobbiejt nog gaer. Dén zeuj d'r nog wel 'n paar neej stukke laer oonder
kunne zette. Mar ja, da's nog 'n hieël aend loeëpe. Wat doen we hier now aegelek ok? Sture ze ös
hierhin, allieën umdat de pestoeër van Cassele zét dat 't Kerstkiëndje ieder jaor ien elk dörp gebore
wil werre en dan netuurlek urst ien zién dörp! En dorrum loeëpe weej hiër mar te sjowwe um 'n goej
plékske te zöke vur ös kiëndje. Zó'n plékske viende nie gow, went weej zien lang nie mér aoveral
welkom."
En Jozef sukkelde brommend newe zienen ezel wieër. Mej dowde de kejkes öp de waeg dur de zeul
hin en dat vuuld'nie bieësteg an zien vuüt. En zien eksteroeëg begös ok nog 's léllek te staeke.
Maria zaej nie veul. Ze vuulde dat 't kiëndje gow zeuj kömme en ze wis ok wel dat dén Jozef wel 's
knaojde, mar dat ie 't zoeë nie ménde.
D'n ezel zaej hieëlemól niks. Mej verschoot ie van schrik, as d'r enne zwaore vrachtwage van
SaWeCo naeve kwaam. Of toen Klötje mit 'nen trakter mit anhanger vol soekerbiete newen 'm hin
scheurde. Dor schrok ie bieësteg van, went ien Bethlehem han ze gén trakters en ok gén soekerbiete.
Öndertusse wón ze al de huüs vurbeej, wor Jukskes Naad en Vrejs Piet zienen Bertje wonde en
kwame ze beej d'n afslag nor de Valkenberg. Dor stoont Jozef efkes stil. Dat groeët water van d'n
Diëpeling haaj ie nog nie ieërder geziën. En dan die gewéldege masjienes en transportbaend. Heej
wis nie zó goëd wat ie mos doën. Heej rakte d'r 'n bitje vanaf.
Heej zaej tigge Maria: "We kunne ok nor Blitterswick gaon. De Casselse pestoeër daelt dor ok de
lakes uut, dus dat blieft um 't aeve."
Mar Maria zaej: "Ik wieët nie worrum, mar ik gój toch liever mar nor Cassele."
Jozef docht efkes diëp nao, krabde zich 's achter de oeëre en besloot de waeg richting de Valkenberg
te neme. Worrum, dat wis ie aegelek ok nie goëd.
Zoeë sjokte 't stel nevven 't huus van de Fester, wor Hermans Sjaak vroeger wonde, en nevven 't
huus van de Pluusberg öp de Valkenberg an.
Wat was 't dor veranderd, zeg! 't Huus van Mós kende Jozef gaar nie mér trug en wor vroeger 't
Spekven laej, dor was now allieën mar water en lén groeëte huuëp schaerpe zand en kiezel.
't Ezelke verschoot van de pónnies die ien de wej bij Mós liëpe en neejsgiereg öp eur af kwame
renne. Jozef was d'n draod gans kwiet, toen ie beej de T-kruusing van de Valkenberg kwaam.
Vroeger laej hier toch örges 'nen herberg, wor latter Martes wonde. Heej zocht de huüs van
Valkenbergs Koeëbes en Valkenbergs Piet, mar heej kénde zien aege nie trug en besloot um mar trug
te gaon. (wordt vervolgd)
6
Afgelopen weekeinde was er een selectie wedstrijd dressuur voor paarden in Horst
Anke Nabben behaalde met Victory de 2e prijs in de Klasse B.
castenray.dorpenvenray.nl/eendracht
1
