Boerebrulleft 2007
De Boerebrulleft van 2007 wördt georganisierd dur buurtverieëniging Casele
Vuruut. Dat is ien goej hand. Dat kunde an alles merke. Speciaal vur dees
gelegenheid wördt op dit moment en nej wiek uut de grond gestampt, mit
huus vur vurnamelik ongetrowde stelle en vrejgezelle. Dur wördt drej gebowd
en ut wörre schón huus. Van de vrejgezelle kels en vrollie wördt verwaacht
dat ze binne de korste kiere en meid of enne vrijer ower den dorpel wieëte te
lokke en ok op de ongetrowde stelle zal de Caselse vette grond wel zien
uutwaerking hebbe. Ut is absoluut nie uutgeslote dat dur ursdaags praot
keumt dat dur iemus mot trowwe. Opmerkelik is ok dat enne Klaen Oelderse
loeënwaerker via de Fanfaar enne zak superzaod het verkocht an de vader
van ieën van de bouwers. Wat dat te betaekene het, is nog volstrekt en rodsel.
Al mit al en goej reeje um de berichte de kommende waeke goed ien de gate te
halde en vural op 19 november nor ut Verlovingsbal te gaon ien de
Schanse schop.
Ok vur de jeugd is dur wer vanalles te doen. Vurrig jaor is vur den urste kier
de Kienderboerebrulleft geörganisierd en waren Brain en Chatty ut gelukkige
bruudspaar. Dit jaor wille wej dat ok wer organisiere, mar dan natuurlik mit
en nej bruudspaar. Ut kienderboerenbruudspaar zal gon trowwe op
Carnavals-dinsdag op ut kienderbal. Ieder kiend het kans um bruud of
brudegom te wörre. Op ut Verlovingsbal van 19 november wördt en spel
gedaon en de vier winnaars dorvan speule op Carnavalsdinsdag ien de finale.
De winnaars van de finale meuge ut kienderboerebruudspaar zien. Alle
kiender van groep 3 tot en met 6 van de schol kunne mit doen. Hoe alles
precies ien zien waerk göt, dor kriege de kiender en de elders van die groepe
binnekort en briefke van.
Hal 19 november vrej want dit meugde nie misse!
Ut promosieteam Boerebrulleft
20
UJ VUR-UUT