Jubeleejumboek
karnevalsverieëneging.
Op zoek naar een kadootje voor sinterklaas of kerst?
De videoband "Castenray leeft" is nog te verkrijgen
bij Piet Arts voor f 25,—
Öp de vergaderinge van de Aid Prinse Kömpeneej worre duksentieds veul
kaskenademaekers. 'r Wiër laeve gemakt, dor kridde de blaore van an de oeëre. En as de
maeste 'n goej waaj an han, kwame de aldewiever-iwangillies ower de toffel.
't Huuërde zien aege an as enne vossestart ien ennen beejekörf. Ge kunt alles te wieëte
kömme ower de APK.
Ien de fiefteger jaore brocht de Venrodse vastelaovesverieëneging aljaors 'n bezuuk an de
kaerkdörpe. Gröts kwame ze altiedeg uut de bus gestapt, die deftege kéls mit eur groeëte
geplojde kraeg um de nek en ower eur zwarte pek nog enne lange mantel, 'n Moj kieps öp
d'n dets en ennen hoeëp medallies öp d'n biérboek. Wat han die 't alzelaeve hoeëg ien urren
bol! Mar urlieë stamboeëm ging ok nie veul wieër terug, as d'n aek vur eur deur en dén was
ok al veul dur de hund bèzekt. Tiggesworreg is de verstandhalding mit de Venrodse
verieëneging gelukkeg wér goëd. Wilde mieër wieëte ower de samewaerkende
vastelaovesverieëneginge?
Wat deuj Rowwen Hèze ien 1990 bij eks-vorst Hay Philipse? En wiste, dat de Venrodse
keramist Piet Hermans ok nog 's Hejntje het gepleejbekt? Of dat Ties Dinghs bij de
wienfieëste ien Pruse mit alle klemotte ien de tés de Caselse kliembiem kwietrakte7
Sjaak Seijkens het 's enne naacht ien de Wis geslaope öp de deurmat.Dat was toen hij
duchteg gejept haaj en öp 't huuske ien slaop viël. Wat dromde Sjaak en worrum kreeg ie ze
nie mit de dieëgrol?
D'n huus- of hofnar kwaam al vur ien 't aide Perzië en Egypte. Was de nar aegelek wel zó
dom as ie 'r uutzaag?
Wilde alles wieëte ower de jeugdkarneval ien Casele?
Laes 't jubeleejumboëk "Vastclaovend same!", dat volgende waek zaoterdag en zondag
geprissentieërd wert.