Jubeleej umboëk
karnevalsverieëneging.
KU RSTJEMS
CONTACTLENZEN
2
Krek nao d'n Twedde Werreldoeërlog wier de karnevalswage "Willem Barentsz" ien Casele
gebowd. De wage wiër getrokke dur't Belze paerd van Maarzen Boerke en mit voile
bemanning trok dén wage, ien de iëzege vriëskeld, mit ien d'n Venrodsen optocht, 'r Wiër
gevist mit bóttramme mit kruut, die smejs vur de labberjoeks bij de Venrodse vrollie dur de
haör gestreke wiëre. Öp d'n boeët stoont Roelofs Lewie ejjer te bakke óp 'n mit
schanseknuppels gestokt fernuus. Slaechte koks bedekken eur fowte mit majjenaes, mar dat
ging vur Lewie nie óp. Wat het de "Willem Barentsz" uut te staon mit de gebört van prinses
Marijke nów Christina) óp 18 fibberwarie 1947?
Ien Oeldere han ze gedureg de kernoëte ien as urre mok wér's geschoept wiër dur 'n dél
Caselse strabanters. 't Het smejs hieël wat hutte ien gehalde, um't bieëst ien Casele te
kriëge, mar't lok die batjakkers ielekeskieër wér öppemeejt. Allewel liëte de Oelderse eur
aege nie altiedeg de sporrie ien de neus zaeje. Wilde 'r mieër van wieëte?
Worrum droeg Geert van Kuuk Riek van Weijs Jan óp de nek van Casele nor Haorst?
En worrum lammentieërde Mien van Chrit zó ien de frietkraom en wón ok de bestuursleeje
zó nuuëtelek, toen ze friet mit zoër vlejs wón gón aete? Kende 't gedicht van "De Platte"?
Aoh, ge wet nie wie dat was?
En hoe kw aam Casele an de Boërebrulleft? Kende de uutdrukking"De kers is achter d n
altaor gevalle"?
Worrum mós de kestannieboeëm, dén vur de graasdeur van pestoeër Litjes stoont, tigge de
vlakte? De kappetunie van de karnevalskrant van 1965 was ien Casele efkes de praot van d n
dag.
Ge kunt 'r alles en nog veul mieër ower laeze ien 't jubeleejumboëk "Vastelaovend same!",
dat zaoterdag d'n elfde van d'n elfde uutkumt.
WIJ HEBBEN RUIME ERVARING EN HOOG
OPGELEIDE CONTACTLENSSPECIALISTEN
VENRAY NOORDERHOF 2.G TEL. 0478 - 550630
c