M Vastelaovend ien Aostrum: Op os kunde raekeneü STRUM Zoas ieder jaor begos d'n aovend mit ut aftreeje van ald-prins John d'n urste. Heej wier dur de Aid Aostrumse Prinse oftewel d'n AAP mitgenome naor en prachtige uutvoering van de Muppetshow. De kermits en de gonzo's probieërde John de kunsjes van enne muppet beej te brengen, mar wiere zoas ut huurt ok van duchtig commentaar vurzien dur Statler en Walldorf, de gebore beroeps-pessimiste! John meug zich uutaendelik, nao en jaor geweldig hard an de karklingelkar te hebbe getrokke, voege beej d'n AAP. Vervolges was ut waachte op ut uutkomme van de neeje prins. Mar umdat we al en tiedje niks mer van urn vernome han, bleef ut lang onduudelik of we wel enne neeje prins zun kriege. Ozze ex-vurzitter Rool van Soest haaj ontdekt dat de neeje prins ontvoerd was. En dat allemaol dur niemand minder as Johnny van B. en zien handlangers. Den Johnny, wooj dus nog gaer en jaorke langer as prins regiere. Mar umdat dat netuurlik echt nie meugelik was en we gewoeën enne neeje prins nueedig han, wier de hulp iengeroep van niemand minder as Peter R. de Vries. Den voond ut de moeite werd urn mit zien team naor Aostrum af te reize en enne speciale uutzending van zien welbekende programma te make. Nao ut ieën en ander gereconstruiërd te hebbe ien en moj filmke, ging Peter zelf op onderzuuk uut urn de zaak te ontknope. Ien ut hol van de leeuw: ut clubhuus van de Aostrumse Heli's Angels. Daor angekomme bleek dat hoofdverdachte Johnny van B. nie anwezig was en ok de president van de Aostrumse engele, was nie hieël erg bereid urn mit te werke an en onderzuuk. Peter besloot urn de hulp ien te roepe van de pliesie. Toen uutaendelik de pliesie binne kwaam wier ut wat gemekkeliker um dinge te onderzuuke en al snel wier d'r enne holle wand ontdekt. Naodat den was durgeslage mit en flinke hamer voonde de agente enne meens ien de ruumte daoraachter. Mar ut bleek enne nar te zien en genne prins. Uutaendelik wisse ze toch d'n prins te ontdekke, den zaat verborge onder enne spiekerklots en mit twieë adjudante die hieël snel hun pliesiepekskes han uutgetrokke was ut stel compleet! Nao de officieële plichtpleginge en enne hieële rake speech van prins Bart I, ging ut hieële kwartet de zaal ien um en grandioos fieëst te bouwe. Allemaol op de geweldige en enthousiaste muziek van de band Sjloetingstied. En den sluutingstied liet dan ok lang op zich waachteDit jaor hed Aostrum wer en schon stel beejen en zoas ze zelf zegge: rt noitackers, Prins van de Karkling Bart Holtackers, Prins van de Karklingels

Oostrum's Weekblad | 2010 | | pagina 5