Ien ut biezonder wiere natuurluk zien vader, moeder en
zus bedankt en nie te vergète vorst Giel, nar Rogier en
de raod van elluf. Ok de kersverse prins Math II miek
duudeluk dat heej zich dur now al van bewust is, hoe
moeiluk ut afscheid vur um volgend jaor zal zien, net zoë
as ut dit jaor vur Erwin moeiluk is. Zien Frans was
echter nie zo goed as weej egeluk allemaol dochte, want
toen heej ziene speech ien ut Frans wooj herhale wier dat
dur niemand begrepe.
En kwartier naodat graaf Drakenstein Erwin, Giel en
Rogier uut elkaar haaj gebald, begos heej mit ut ienen
zette van ut neeje trio. Daorvur haaj heej nog wat extra
onderdiël nuëdig.
Urst schoot heej enne vogel uut de nok van de zaal um
enne prins te kunne make den enne vlotte snavel het. Toen
rukte heej en hand uut beej ziene sterkste medewerker um
de klingel ut hiële jaor te kunnen drage en tenslotte
sloeg heej beej ennen andere medewerker ziene kop dur af
zoëdat de muts nie op de nek hoeft te staon. Toen alles
ienen stond hoefde allien de lèvesvonk nog mar over te
slaon vanuut ut publiek.
Dat was vanzelfsprekend gen probleem vur ut talrijke
publiek en onder luid gekwek kwaam uut ut schitterende
slot van graaf Drakenstein tevurschien, de neeje jeugd
prins van Aostrum, Uull en de Boshuuze:
prins Barry I (Barry Cornelissen) mit
vorst Tom (Tom Arts) en
nar Pieter (Pieter Verrijdt).
Prins Barry I liet zien muts al nie veul langer recht
staon as prins Math II en wek ierder. Ok zienen babbel is
van sortgelieke^niero dus dat zal dit jaor w^. klikke.
En paor minse han goed geraoje dat Barry prins zeuj werre
en van die paar hebbe de volgende minse enne knapzak
gewonne
H. Jeuken, Stationsweg 82
J. Broeren, St. Ceciliapad 29
H. Vermeulen, Stationsweg 110
As ie ze kan draage kumt prins Barry de knapzèk iën dezer
dage persoonluk brenge. Dan kunne die minse metiën zien
dat ie zien urste onderscheiding al binne het van prins
Math II, den daormit an wooj geve hoe tevreeje heej is
mit prins Barry I, vorst Tom en nar Pieter as kollega's.
Tot ziens mit de karneval.
23
