Vastelaoves-verieëneging "Ut Dartele Veulen" 20 5x11 jaor Ut Dartele Veulen De mojste fieëste zien nog Sltied de spontaan öntstaone fieëste. Zoeë is d'r nog ieën spontaan fieëst wat meej nog vers ien 't geheuge lit. We schriëve carnavalsmóndag 2008. Weej kwame trug van Rooy wor we mit özze prinsewage de 38 pléts gehald hén. D'n urste pries is moj mér as ge den ieder jaor het dan wört ut ók wei ieëntoeëneg dus weej knaojde dor nie um. Dor zate weej dan beej Anthonie mit z'n alle én de friet en genote van de vurdréchte van 't jeudige talent van 't Vaöle. D'r wier duchteg gebreenstörmd aover wie weej zun gón fillesetieëre. Uutaendelek wier d'r beslote um mit en klaen dillegésie efkes gow öp en neer nor de Piëlreuze te gaon, um ze te fillesetieëre mit ut winne van de Piëihaaskup. Dornao zun weej dan nor Aostrum gaon um de Karkiingels te fillesetieëre mit ut behale van de 2" plats mit urre Prinsewage. 't Neejs dat we nor Aostrum zun gaon ging as en loeëpend vuurke dur de Perdsstal en zó links en rechs huurde weej van steeds mieër minse dat ze wel mit wón gaon. Toe hewwe gaow ós aege transportfirma gebeld. De sjoffeur stoont óp 't punt um nor de kroeg te gaon mér vur vaste klante hedde wat aover dus heej stérte zien bus en kwaam nor 't Vaöle. leëriek gezeet kneep ik um wel want ik haaj gezeet dat we de bus wel half vol zun kriëge mar dat was ók nog mar afwaachte. Mar toe de bus d'r was liëp ie zó vol dat nie iederieën kös zitte. Dat miêk ók niks uut want d'r mós pöllenaeze geloeëpe wörre dur de middenpad. En zoeë kwame weej al hossend binne beej 't AMC ien Aostrum en dat hosse zien weej bliëve doen tot we wér nor huus toe ginge. Wat en fieëstlll Özzen aege vorst Teun same mit vorst Bas zittend óp d'n tap mit de vuut ien de spuulbék, hosse aover den tép en kroewage reeje. Öngure tiepes wiere gewoon dur de raam nor bute gewerkt. Jao niks was hiér te gek. En toe de bus kwaam um óp huus an te gaon han weej dor aegelek nog genne zin ien. En spontaan idee wat uutgrëöjde tot en geweldeg verbroederingsfieëst. Mar én alles kumt evvel 'n aend en ók an dit verhaal. Tot volgende waek. Twan Reintjes de Sik.

Dorpsblad Leunen-Veulen-Heide | 2009 | | pagina 21