Reuzeneejs
Vanaovend donderdag 31 jannewarie Alderenaovend
Verklèd Bal op zaoterdag 2 fibbrewarie beej Roelanzia
Resepsie zondag 3 fibbrewarie Jeugdprins Mark III
Resepsie zaoterdag 9 fibbrewarie Prins Geert II en Prinses Rian
Opening Vastelaovend op ut Lovinckplein
Afsluuting Vastelaovendaftreeje Vorst Willie en uutkomme neeje Vorst
Ziekenbezuuk
Gevelversiering
De bonte aovende ware wèr schitterend mit veule hooëgtepunte. Alle artieste,
Smeleblaozers, commissie BOL, minse van ut geluid, belichting, grime, foto en video,
toniëlmèsters en ut publiek names de Piëlreus. BEDANKT
V.V. De Piëlreus nuuëdigt alle aldere uut vur de Alderenaovend ien de Smelehof. Unne aovend dur
Aldere vur Aldere mit anvulling van enkele artieste van de Bonte Aovend. De aovend begint um 19.33
uur en wert opgeluusterd dur de Smelebloazers. Prins Geert II en Prinses Rian mit hun gevolg zien
natuurluk ok anwezig.
Zowel jong as aid wert zaoterdag - op de dag dat Willem-Alexander en Maxima gaon trouwe - beej
Roelanzia verwacht. Ut thema is NIE TE FILME Mit dit thema kunde alle kante op, geej kunt ut ver
weg zuuke, mar natuurluk ok dichtbeej. As geej nie metieën un idee hèt dan kunde natuurluk ok ien
gewooëne carnavalsklier komme. De aovend begint um 21.00 uur.
Um de sfeer dur lekker vroeg ien te brenge, vraoge weej alle Piëlreuzen en Piëlreuzinnen um op tied te
komme. Zoë kunne weej lang geniete van dit hartstikke schon bal.
LET OP: JURERING VUR DE MOJST VERKLEDDE AL UM 22.00 UUR.
Vorst Dave, de narren en de jeugdraod nuuëdigen iederiëen uut um zondag 3 fibbrewarie um 14.33 uur
anwezig te zien op de resepsie van Jeugdprins Mark III ien de JERA. De resepsie duurt tot 16.33 uur
waornao de diskjockeys zulle laote zien wat vastelaovend viere ien de KOEL tiggeworrig nog iënhalt.
Zoaterdag 9 fibbrewarie is um 20.11 uur de resepsie van Prins Geert II en Prinses Rian. As dur minse
zien die gèr iets vurdrage of iets anders wille doen vur ozze Prins en Prinses gèf dit dan effe dur an de
ceremoniemèster Ed Verschuuren tel. 542151 of an Vorst Willie tel. 545105.
Direct nao de Vastelaovesmis op zaoterdag 9 fibbrewarie zal de Vastelaovend op ut Lovinckplein wèr op
en biezondere manier werre geopend. Beej deez opening zal ok de sleuteloaverdracht an Prins Geert II
gebeure.
Op Vastelaovesdinsdag um 21.33 uur zal de Vastelaovend werre afgeslote. Dan zal Vorst Willie, nao 6
jaor dienst, aftreeje as Vorst, ansluutend zal de neeje Vorst van de Piëlreuzen werre bekend gemakt.
Beej goej waer zal dit op ut Lovinckplein gebeure, beej slecht waer ien de Smelehof.
Prins Geert II en prinses Rian wille net as andere jaore gèr en bezuuk brenge an de minse ien ut
Ziekenhuus of Verpleeghuus en an de minse die ziek thuus zien. As geej minse kent die dit op pries
stelle gèf dit dan dur an ozze vurzitter John Claessens tel. 541674 of Vorst Willie tel. 545105.
Vurrig jaor han weej as V.V, de Piëlreus enne pries vur de mojste gevelversiering langs de route van de
optocht. Dit jaor wille weej alle minse uut Ysselsteyn hier an mit laote doen. Vur de mojste
gevelversiering is enne pries den beej betreffende minse thuus zal werre bezurgd.