Bouw en
Metselbedrijf
Bongers Stevens
Vurrige waek zondag is ien ozze Schanseschop ut boerebruudspaar vur de Vastelaovend 2008
bekend geworre.
Nao de kwalificatiewedstrijden van ut jeugdboerebruudspaar wier de spanning merkbaar
högger ien ozze Schanseschop. Wie o wie zeuj ut nejje bruudspaar van de groeëte zien?
Hannes en Driek (gespeuld dur Sjekky en Daan) voerde de spanning nog is duchtig op. Zej
moste ut veld schoeffele wor de boerekoeël gepot mos wörre, den op Vastelaovesdinsdag
panklaor mos zien. Ut was onbegonne waerk. De plak verzoop ien den drek. Dur wier duchtig
genaold ower allerlei Caselse angelegenheden. Toen Hannes zich efkes achter enne miet
terugtrok vur enne sanitaire stop (dur stond genne Dixie op ut veld), ondekte hej dor tot zien
groeëte schrik en jong stel dat, nor latter bleek, gymmestiekoefeninge én ut doen was. Toen ut
jong stel achter de miet uutkwaam, bleek ut ut nejje boerebruudspaar te zien. Ut zien:
Rob, de vierde strekel van Weijs Frans zien Ger en Door Achten
Marisa, ien de vrijen tied gebouwd dur Jan de Mulder mit zien vrouw Marion
Zej gon trowwe op Carnavalsdinsdag. Ambtenaar Erik van Mieëlders Piet ziene Jan en Jöppe
Grad zien Dien (Erik Jakobs) is opgedrage ut huwelik te voltrekken, terwiel seremonie-
maester Dirk van Niesse Pet ziene Hay (now nog prins Dirk I) de organisatie van ut fieëst vur
zien raekening nimt.
Ut belooft en groeët fieëst te werre, dor kan gen twiefel ower bestaon. Ut göt ewel alliën mar
dur as dur nie al te veul bezwaor tigge is. Hedde bezwaore tigge dees trowwerij, laot ut dan
tiedzat wieëte an Erik, zoeëdat hej ze nog zóveul meugelik vur de trowpartij kan afwieze.
Ziede te laat dan wörre ze pas nao de trouwerij afgeweze.
Joekskapel "Op Tied Muuj" wille wej nog gaer bedanke vur de muzikale ondersteuning op ut
verlovingsbal. Ut was moj, bedankt jönges!
Mit Rob en Marisa gon wej op Vastelaovesdinsdag en moj Boerebrulieft viere. Wej hope dat
gillie daor allemol bej zut zien.
Tot de Vastelaovend
nieuwbouw en verbouwing
Toon Bongers
Lollebeekweg 21
5811 AJ Castenray
Fer Stevens
molenzijweg 4
5866 BS Swolgen
0478-692947
0)06-50971919
0478-571979
0)06-15483081
fax 0478-579123
Boerebrulieft 2008