Mysterie waerstieën nog nie opgelost
•pe naobere
Os vraog ien de Schans van twieë waek geleeje van wat dur mit de waerstieën an de hand kan
zien, hilt de gemoedere tamelik bezig. En vrouw uut de Straot schreef os ut volgende:
"Jonges mak ow now nie zo druk ovver den waestieën. Kiek efkes ien ut spiegel en as ge ow
gezicht is goed bekiekt dan ziede de buuj ok wel hange. Dor hedde genne waestieën vur
nueëdig
Ut liekt os baeter dat wej dees briefschriefster verder mar anoniem laote. De meense ien
Casele zulle toch wel wieëte wie zoiets geschreven kan hebbe.
Ok enne Klên Oelderse schreef os ennen brief mit de volgende ienhald:
Baeste Naobere vurzitter,
Nao enne drukke waek bin ik de krantebak an ut opruume en kom ik de aide schans taege en
dorien zie ik öwwe oproep staon worum dun waerstieën zö glaöjt. Ik docht dat gillie dat zelluf
toch ok wel wieëte, want gillie woeëne dor zö dicht bej en wej nie. Van de waek kwaam ik dor
twieë kier naeve en heb mien oeëge goed de kost gegaove en wat zaag ik dun urste kiër: dor
zaat en verliefd Naober stelleke van middelbare laeftied op de bank en die zaate zö knus en
dicht bej mekaar en straolde zoveul wermte uut dat de stieën dorvan begös te glaöje en toen
doch ik verrek dat zeuj ut neije boerebruudspaar wel is kunne zien!! Daags daornao kwaam
ik dor wer naeve en toen zaate dor twieë andere Naobere op denzelfde bank te praote, ien ut
daglikse laeve zien die allebei mit un ander getrouwden toen doch ik die zun toch nie an ut
bedissele zien um mit de carneval noch un kier te gaon trouwe. Mar ien de naobere buurt
woeëne zaoveul verliefde stellekes en den stieën staot daor zö dicht bej dat den gen kans
kriegt um af te koele.
Mar wej wachte ut gewoeën af en komme mit alle andere buurte naor ut verlovingsbal op 18
november ien de Wis. Tot dan.
enne Klên Oelderse.
Op de urste plats snappe wej nie worrum enne Klên Oelderse nao twieë waek de Schans al göt
opruume. Is dur dan al wer zoveul nejs dat ut alt kan werre weggesmete? As dat zoeë is,
gebeurt dur ien Klên Oeldere schienbaar mier as örges anders. Trowwes wat mot iemus den
zet dat hej het druk het, twieë kier newe os baenkske rije um dor wat rond te loere? Wej
daenke dat hej dur op uut is os uutlaotinge te laote doen ower ut nejje boerebruudspaar.
Trappe wej allicht nie ien. Zien verhaal kumt os nogal onwarschienlik aover. Wej zulle zien
verklaoring dat ut opglaöje van de waerstieën kumt dur ut bedrieve van en liefdesspel is gon
uutprobiere. Dat doen wej kommende zaoterdag um 12 uur. Liever nie komme kieke wat dat
zeuj ut onderzuuk kunne verstore.
Zo gow wej mier wieëte laote wej ut wel huure.
Ballonnenwedstrijd kermis Castenray 2007
Vergeet niet 7 november 2007 om 17.00 uur vrij te houden voor het geval je
bij de prijswinnaars van de ballonnenwedstrijd behoort.
De plaats van prijsuitreiking is Gemeenschapshuis De Wis.
De prijswinnaars zullen uiterlijk 1 november telefonisch worden benaderd.
Voor alle overige deelnemers is er volgend jaar weer een nieuwe kans.
In week 46 zal de Dorpsraad de prijswinnaars via De Schans bekendmaken.
13
Uut de Kampagne
