Carnavalsverieëniging slöt enne flater
Boerenbruudspaar te vroeg uutgelekt
Van ozze verslaggaever.
Afgeloeëpe waek schrok ik 's-naags enne
kier wakker van en geluid wat mej aegelik
wel bekend ien de oere klonk, mar wat ik
op dat moment nie goed kos platse. Ik keek
op de wekker en de wiezer wees al efkes
ower twellef uur an. Nog half beduusd
drong langsaam ut besef tot mej dur, dat ut
geluid dat ik huurde ut geklepper van de
brievebus mos zien gewist. Ien mien ge
dachte flitste zoiets van: "Zeuj Jan Ver-
steege now al de krant van gistere komme
rondbrenge?" Den het dur durmekaar wel
en haendje van um op de maest onmeuge-
like tieje de meenselike naachtröast te ver
store.
Dat mej midde ien de naacht iemand iets
kwaam bezörge, mos dur host op duuje dat
ut iets hieël belangrieks mos zien. Die ge
dachte deej mej alle moed verzamele um
ien ut holst van de naacht uut mien bed te
schravele en op mien petoeffels nor de
brievebus te sloffe. Dor laej, schrik nie,
"De Knuppel" op de deurmat. Ut lijfblad
van de leeje van de Carnavalsverieëniging.
Vur 11 Euro kan iederieën dat gratis
thuusbezörgd kriege en zoeë ok ik.
"Schienbaar het vurzitter Arie de wiend
dur duchtig oonder", docht ik. "De leje
volge now al en stevig oefenprogramma
um alvast te wenne an ut anstónde nacht-
laeve". En dor was ik toch wel en bitje van
onder den iendruk, al koste mej dat mien
naachtröast.
Klaorwakker as ik ienmiddels was bin ik
mar is wat ien ut blad beginne te blaaje.
Toen ut ope viel op ut verslag van de ver
gadering schrok ik mej ut apelazerus en
rolde mej van verbazing de oeëge zowat
achter de laesbril uut. "Petje en Leo stelle
zich beschikbaar as bruud en bruude-
gom vur de Caselse Boerebrulleft"
stoond dur te laeze. "Wat en stommiteit!"
"Welke onnuuëzele notulist schrieft zowat
ien zien verslag!" "Eloeve ze dit jaor gen
Verlovingsbal te halde", was mien urste
gedachte. Toch Arie mar is efkes belle hoe
dat zit. Arie was nie aerg spraakzaam.
"Klaen foutje mit knippe en plekke en ver
der nie te veul ower nöale" moemelde ie
nogal kortgeknöpt en dormit wier de ver-
biending verbroke.
Dan mar zelf op onderzuuk uut gaon en
zoeë zaat ik al drej bej enne kei van de
Haorsterweg den dur um bekend stöt dat ie
lekt as enne durslag. Wie dat is duut dur
verder nie toe, mar hej wis mej wel te ver-
telle dat ut goed ging mit Petje. Ik zeg:
"Hoezoeë goed mit Petje, het ie iets dan?"
"Nieë," zaej de kei, "Now nie mer". "En
Petje hiet now ok gen Petje mer, mar vort
Petty". Enne goeje verstonder het an en
half oer genoeg en zoeë wier mej duudelik
dat datgene wat ik gelaeze haaj nog lang
genne kwats was. Ut bericht vur 14 daag
terug ien dizze Schans dat ut Boere-
bruudspaar dit jaor wel is van de verkierde
kant kos zien bliekt dus, op zien minst vur
de helft, waor te zien.
Of ut Verlovingsbal kommende zondag,
noa dees onmeugelike vertoeëning, nog
wel dur zal gaon is nog mar de vraog. Op
dit moment kos mej dor niemes uutsluutsel
ower gaeve. Vorst Jac en Prins Sander
advisiere de meense gewoeën mar nor De
Schanseschop te gaon en dor mar af te wa-
achte wat dur komme göt. As verslaggae
ver zal ok ik zeker van de partij zien.
Ut laeste woord is ower dees kwestie nog
nie gesproke, dat heb ik wel gehuurd. Of ut
bestuur nog an kan blieve is nog mar zier
de vraog. Uut betrowbare bron is al ver-
nome dat de APK klaor stöt um, ien geval
van noeët, ut zaakje aover te neme.
4