WAT KWAAM EHI GONK IEN 'T ALDE JAOR
WEEKBLAD VOOR VENRAY EN OMSTREKEN
Zaterdag 31 december 1960 No. 53
EEN EN TACHTIGSTE JAARGANG
PEEL EN MAAS
DRUK EN UITGAVE VAN DEN MUNCKHOF N:V. VENRAY
GROTESTRAAT 28 POSTBUS 1 TEL. 1512 GIRO 150625
ADVERTENTIEPRIJS 8 ct. per mm. ABONNEMENTS
PRIJS PER KWARTAAL 1.40 (buiten Venray 1.60)
't Is an 't end van en jaor
en traditie van dit blad,
dat wer is snel werd opgehald,
wat ien Rooy hit plats gehad.
En jaor liekt lang an 't begin,
mer now we ant endje stoan,
begriepte nie hoe raozend snel
de dage zien vergaon.
Niggentien zestig is vurbej
mit goej en kwaoje dinge,
die wej, ant einde van dat jaor,
opnejd wer gon bezinge.
Went trouw notierde Peel en Maas
wat laeft ient Rodse land;
watter gebeurde in dat jaor
laasde zaoterdags ien den krant.
Ien Rooy zien ok dees 12 mond
bliksems gauw vurbej gegaon;
watter toe te belaeve viel,
viende hieronder staon:
't Was en jaor mit nie veul zon,
mer raegen des te mier
en dat de boere kankerde,
dat hielp ze ok gen zier
Was 't jaor te-veur, toe vul te dreug.
now ister waterschaaj;
die echter nie betale zal
't ministerie van de Quay.
Den hebbe ze net vur kersmis
nog gauw nar huus gestuurd
en van en nej ministerploeg
hebbe wej nog niks gehuurd.
Mer mitte groëte politiek
zun wej nie verder gaon;
alliën bekieke we ien ons vers
wat ien Venraoy is gedaon.
Dat is nie wennig, ge wetter van,
't was en bar goed jaor,
zeuveul woninge aster zien gebouwd
kwame vroeger gaar nie klaor.
Dur werd gebouwd an alle kant
dur gement' en partekelier,
de laeste wonne vur 't urst
die bouwde namelik mier
Dat mot ok, went 300 man
stori op de wachtliest vur en huus;
den woningnoëd is vur ons Rooy
nug ail en niel zwaor kruus.
Mer as dat zoë now verder göt,
dan komme we mit den woningnoëd
ok ien 't kommend jaor,
toch vur en groët diël klaor.
Dan motter er echter ien ons Rooy
grond aan te koëpe zien;
dat duut as ge dat allemaol huurt,
duk aarig wat pien;;
Ge biejt te min, ge vraogt te veul,
zo klinkt 't van beis kante;
de waorheid litter midde ien.
Me wet te goed van wante
Dat ziede now ien plan West,
wor 't hiel nie mekkelik lit,
umdat men vroeger mit te laege pries
de zaak bedurve hit
Mer aster vur den Holteren hoek
kapitale werd gegaeve
en vur d'uutbreiding van industrie
van alles kunt belaeve,
dan is 't ok wel te begriepe
dat men ien plan West
mit de pries hetzelfde wil
as elders, mit de rest
Mer beginne we mit 't begin
toe 't nog januari was;
wat kwaam de sneejploeg toe duk
hiel aarig goed van pas.
Opgeruimd wier toe nie alliën
textiel, mer ok de sneej;
en ok de baby-sit-centrale
kwaam ien den mond derbej.
Mer dor was gen ambitie vur,
al zien hier babies zat;
Rooy hit er ummers ien dit jaor
hös twië per dag gehad.
Leuns pastoër ging mit pensioen,
't afscheid viel wel zwaor,
Pastoër Jonkers stöt dor now
vur de Leunse schupkes klaor.
De Raod mos verhuuze gaon,
de rodzaal wier verbouwd.
Braaf is ze toe enne kier of wat
naar Damiano toegesjouwd.
Oeldere kreeg en Machutusstraat
en Hoofdstraot en zo mier
mer haaj ok mit de vulnisbelt
hiel aarig wat gemier.
Wel kwaam de neje urgel klaor,
en prachtig instrument;
mit dat en mitter gemengd koër
is Oeldere'hiel content
't Mannenkoër haj ok al fiest
van dur 50 jaor bestaon
en hit toe mit het L.S.O.
mar efkes saam gedaon
We kriege ummers en concert
mit soliste en zo mier.
De Groëte kerk fungierde goed
als concertzaal bej den kier.
Ok ien Zuid was ter groët fiest:
de neje schol was klaor
en op en nej gemeenschapshuis
raekene ze 't kommend jaor.
Ien Zuid is hiel wat opgebouwd
flats en bejaardenhuus;
jong en alt vond ient rectoraat
en nej en prettig thuus.
Ok op de Smakt waster fiest
al dun ze 't kalm an
umdat ze dor liefst 100 jaor
al enne rector han.
Ok de doevemelkers van Rooy
han 50 jaor bestaon,
mer hebbe an dat golde fiest
nie bar veul mois gedaon.
Pastoer Geerits wier end februaar
officieel benoemd ien West
en duutter als bouwpastoer
hiel aarig goed zien best.
Hej hit enne handel opgericht
ien zilver, gold en iezer
en zelfs van os aid papier
werd zien Vredeskerk wiezer.
Mer ok 't buuteland duut mit
ministers en prelate
en aster geld te hale velt
wel, halt hum ien de gate.
Want zelfs mit enne korte preek
wet hej records te slaon
nog noiët ister ummers zeveul geld
ien de offerschaal gedaon
Zien kerk werd en monument
al mot tie nog veul s jouwe
mer op de hulp van gans Rooy
kan ie rustig blïeve bouwe
Ja en dan waster Carnaval
mit enne optocht en zo mier
Venraoy wier geregierd
dur 6 prinse dizze kier
Gelukkig dat wej dit fiest
wer ien Venraoy koste viere
Zoë ziedde dat wej langzamerhand
toch same werke liere
2 wethalders verloor dur den doëd
ons Rooy ient jaor dat göt
Wej bidde dat O.L. Hiër
ze ien vrede ruste löt
Ze hebbe en zwaore taak gehad
Rooy wier mit uutgebouwd
en vur ons aller Rods gemente
dur aege uutgesjouwd.
Ien de Vreej kwaam enne Deputé
sprak vur de K.V.P.
en kreeg metien de vraog
nar baeter water mee
Ze tobbe dor nog altied dur
mitter drugt en mitter water;
de oplossing van al dien noëd
schient uutgesteld tot later.
Ministers ware op bezuuk,
trokke en vies gezicht,
mer hielde, terug ien Den Haag,
't subsidie-kraantje dicht.
Den derde rector kreeg de Vreej
ien nog gen 2 jaor tied
mer dizze zegge ze ien de Vreej
wille we now nie mer kwiet
Terwiel ons land zien vreugde haaj
um de neje kardinaal
opende wej 't wier ok stillekes
vur 't urst en neje zaal(tied
Waorien de ULO turnen kan,
mer ok de partekelier
en later an de Langeweg,
dun we dat nog enne kier
Vur de jeugd wier nog mier gedaon,
was ok en rikconcours
went de jonges van het patronaat
werre trommelaars en tamboers.
Hierovver kriege we 't latter nog;
we zien nog mar ien Mart
toe gaaf Mestricht van de neej huus
os wel en mager part:
Went mer 44 woninge
was wat toegewese wier,
mer latter krege we er gelukkig
nog en 22 mier
Mit de staking ien de bouwerij,
haaj Venraoy niks te make
Wel huurde we hier toe ien den tied
de eierprieze krake
Wel wierre winkels uutgebreid
of neje hier gebouwd;
dur de Venraodse middenstand
wier biestig hard gesjouwd,
um Rooy nog mier dan 't vroeger
dur schon en groëte zake (was,
vur de streek, hier tussen Peel en
HET centrum te maken. (Maas,
Mit verlichting en verget ok niet
d'acties van V.V.V.
Now klinkt alwer enne neje kreet,
die ruupt van Pak toch mee
't Getuugt van neej activiteit,
die alliën mer is te prieze.
Me hoopt die ien 't kommend jaor
ok duk nog te bewieze
Mer wej gon terug nar april,
toe mosse we bej betale,
went de huurbaas kwaam toe vort
een-viefde extra hale.
De begroeting van ons goej gement
bleek ok wer nie te kloppe;
er ontbroke liefst op het appèl,
zo'n 200.000 moppe
Mer me hit nie lang getreurd,
is rustig wier gegaon
en ien de Vreej is in den tied
en kippenfarm ontstaan.
Zo'n 10.000 henne dor,
doen alles automatisch,
en legge eiere bej de vleet,
alliën nog wel niet gratis.
V.V.V. ziene folder kwaam
reclame vur Venraoy make,
wees op de schonheid der natuur
en andere Rodse zake.
We ginge ok nar Durse toe,
ovver samewerking praote,
wat wej al die jaore lang,
te veul hebbe naogelaote.
Contact mit Brabant waster nie,
lit achter 't Piël-gordien;
mer dat werd anders, zej me toe,
mar we motte 't nog zien.
Nao Paose ginge ze bej 't spoor
op-ens automatisiere.
Mit wissels en dat ander grei
hoeve ze hier nie mer te miere.
Nimwege werd 't hoofdkwartier,
dor drukke ze op en knöpke,
dan zakke de buum ien Oostrum
vanzelf op en höpke.
We kriege ok enne uure dienst
en de statie werd vemejd.
zedat ge nie mer op ow face valt,
als de trein wer verder rejt.
Nao Paose kwaam uut Den Haag
heer Schmelzer op bezuuk,
den duuj voor de Rodse KVP
PBO is uut de duuk.
Mer Rooy liet hum ok goed verstaon
dat Den Haag niet mot vergaete
um dees streek op den tied
wat extra's toe te maete
Den Haag lit wiet en beslist zo duk
zonder ons daorien te kenne.
Ze han ons mitte dreugteschaaj
hier genist mier meuge verwenne.
De winkelvurming ien ons Rooy,
wier ien Mei ok flink beprot.
En metien wier toe ok uutgemakt
dat die hier te wense löt.
Wat men mot doen, wet men er niet,
noch waor, ien welke straote.
't schient dat ze dat hiel geduns,
mer an 't toeval ovverlaote
De speeltuin vur de Rodse jeugd
kreeg ok een fikse beurt,
toe de huur van 't Vlakwaterterrein
dur de Raod was goedgekeurd.
Dur kwaam en groët hertekamp,
en roetsbaan en zo mier.
En van de zommer haaj de jeugd
dor machtig veul plezier.
Ok en camping wier er bejgemakt
al was dat wel wat laat
Dat comité dat tont zich wel,
hiel minse van de daad.
Mer vurdat wej dat han mitgemakt
waster aarig wat gebeurt;
was mit d'uutbreiding van de zaak
b.v. Nelissen an de beurt.
Dor is de beton zwaor uutgebreid
mit strekbenk en zo mier;
now makt me de dake vur
zo efkes gauw, mar hier. (Maastricht
Ok de ambachtschol wier uutgebreid
kunter schildere liere gaon,
al motte wel dur plats gebrek
dicht op elkaar gon staon
Ien.Loën wier ien den tied
ok 't museum rats vernejd.
Nar de opening dur de Prinses
was mennigiën benejd.
We wierre toe ok wer gesteld,
officieel mit veul papiere.
Mer wat de resultate zien
zal de oekomst nog wel liere.
Toe wier 't juni ient land
viel Oeldere uut de rej,
ien de nej dienstregeling van debus
ontbrake ummers zej.
Het spel van Lord Baden Powell
bestond ok vief tig jaor.
De verkenners uut ons Rooy,
herdochte dat, ja klaor.
Ok wier herdocht, dat 100 jaor
Euterpe haaj bestaon;
en ien den tied ien ons gement
veul vur os hit gedaon.
En waek lang ister fiest gevierd
dat de 't klonk ower de wei;
en vur de concerte en zo mier
stont gans Rooy duk ien de rej.
De gouverneur braocht 't predikaat
„Koninklijk" mit zich mit,
terwiel de tamboer-maitre
sindsdien enne kolbak hit.
De Trommelaere van Roesendeal
as en schon en moj besluut
van 7 daag plezier en schik
marchierde 't fiest toe uut
De pelisie kwaam ok ient gewaer
um de danszaal leeg te jage,
went ien den tied ware doarien
te veul, te jonge blage.
Mer latter mosse ze zelf gaon
nar de Wilhelminastraot
't Kotje onder 't gementehuus
was beneje alle maot.
Colsen en nog latter Schols
kwame B. en W. versterke
dat toen wer op volle kracht
vur Venraoy kos gaon werke.
Ien Cassele wiere buus gebraocht;
kumt water uut de kraan,
mer den 't hardste neudig hit,
wont er te wiet vandaan.
En Janson sloeg de urste paol
van zien nej en groëte hal;
we wachte mer in spanning af,
wat of dat werre zal.
De zieke mins wier ok bedocht,
kos nar en triduum gaon,
wier dur de zusters van St. An
nog is extra goed gedaon.
Mgr. Moors wijdde in juli
de kerk op 't Veulen ien;
ge had er de versiering
en de drukte motte zien.
Op de Smakt wier Rector Heynen
op-ens provinciaal;
ging de N.S. en woning slope,
man, dat gaaf me en kabaal.
De botterfabriek die groëte
hit 't vurrig jaor goed gedaon;
met dit jaor zien dur dinger
toch aarig schaef gegaon.
De vurzitter ging vertrekke,
mer liet de radio staon,
den ze um bej zien afscheid
cadeau toen han gedaon.
Latter waster ok gerommel
ovver de Venraodse K.I.;
den enne zej: ik gaoj nar Horst toe,
mer de andere zei: ik nie
De stemming scheen nie ien orde,
en dat gaaf en groët kabaal;
noëit waster bej de twedde stemming
zeveul vollek in enne zaal
de pers blieft buute staon,
de pers mot buute blieve staon,
zei 't bestuur, mer 't schient toch,
dat ze zelf der naevehit gedaon
Mer terug nar juli, toe wier hier
enne vierdaagse georganisiert
en allerwege vur de examens
biestig hard gestudierd.
Mgr. Lemmens, Vader Bisschop,
is toe van os hingegaen,
den vur zien Limburgs bisdom,
veul goeds alt hit gedaon.
Zienne leste gang, grafwaarts,
was enne groëte zege-tocht
went dankbaar wier dur Limburg
zien werke toe herdocht.
En nej fabriek wier ok geopend,
van Janssen an de Smakterweg.
Ien en ander ging bar plechtig,
die dun 't mit champagne, zeg
Vurdat er de vacantie kwaam,
kwaam 't zwembad-plan ok klaor
mer vur dat dat verwezenlijkt werd,
dat duurt nog wel wat jaor
De tore van de Groëte kerk
werd ok wer opgebouwd,
umdat de Roois gemaenteraod,
d'r 'n ton hit beej gedouwd.
't Hit misschien wel lang geduurd,
mer now is alles klaor
ze zien al volop an de geng
tigge 't einde van dit jaor
Plan West kwaam ok ien de krant,
ok dat hit lang geduurd,
now is de kogel dur de kerk
Den Haag hit 't teruggestuurd
We zen ow al, 't velt nie mit
dor grond te kunnen te. koëpe,
toch mot 't, wil de huuzebouw
nie in 't honderd loëpe.
Mer nog mier planne wierre toen
t Rods publiek gemeld,
zoë wier van 't groët verkavelings
ok al wer neejs verteld. (plan,
De grond rond de Lollebeek
werd netjes, neej verdaeld,
de iendruk van dit groëte plan
is gunstig, onverdaeld
't Kumt ien stemming, wier gezeed,
ient jaor dat komme zal,
en als dat vlot verloëpe zal
stekt men weldra dan van wal.
Dan was 't kermis ient land,
mer vur 't zuver was,
was hiël schaakminnend Nederland
ien Venraoy te gast
Ze han hier 't schaaktoernooi
hiël goed organisierd,
mennig ander grotter plats
hebbe weej en les gelierd
Ien Leune was 't ok groët fiëst,
de fanfare bestond 40 jaor,
natuurlik mieke ze darvur
en concours, en zo mier, klaor.
Ien Rooy deuj - al was 't laat -
Pater Smits zien urste mis.
Mar verder was er ien os Rooy
dit jaor genne neomist.
We sukkelde augustus uut,
de K.I. wier 10 jaor
en we mieke ien de Inalfa-hal
de Limbrato toe mer klaor.
Limbrato wel en aarig woord
mer toch ok en prestatie.
Was vur dees hele streek
en prima presentatie.
We liete zien, wat we wel han,
hier, uut dees hele streek.
Dor was vur ieder wat te zien,
vur vakman en vur leek.
Hoe hier, nao 's orlogsend
gewerkt is en gebouwd.
Hoe hier op alle terrein
verrekkes is gesjouwd.
We gave hier en kart je af
van gemente' en industrie,
van land- en tuinbouw en zo mier
van perd en os K.I.
De evolutie van ons Rooy
hit me hier kunnen merke.
En evolutie, waar wej nog alt
biestig hard vur motte werke.
We kankere en we roddele duk
hebbe biestig veul kritiek
mer de Limbrato tonde ons
„Ien Rooy zit nog muziek
Dat zagde ok wer an 't plan
dat vur 't centrum is gemakt,
dat de culturele vurming
van ons Venraoy wer rakt
Op de'Holteren Hoek en Maeslers-
kumt hopelik 't volgend jaor (koel
dit nej culturele centrum
dan eindelik ok klaor.
Die schouwburg kost en kapitaal
en cente, die zien raar,
mer zien we goed iengelicht
dan ist now vur mekaar.
Dit geldt ok vur en ander plan:
't sportpark ien Zuid,
dat kost behalve hektares grond
ok enne lieve duit.
Went voetbalvelde en zo mier
kunde hier gar nie mer misse
daorum wachte wej mit spanning af
wat Den Haag wel zal beslisse.
We han gedocht now an dit plan
nog en begin te make,
mer 't werd dan toch de hocgste tied
went 't jaor begint op te rake
Congresse halde ze hier nie veul,
dor is Rooy nie um bekend,
mer de snejers uut 't hiele land,
zien hier toch mer verwend.
We ginge ter bejevaart nar
mit 't Rodse dekenaat; (Maastricht
Petje Steeghs wier gedecorierd
in Cassels patronaat
Van de Paus haaj ie der al iën,
now kwaam de Kuninging
umdat hej baas was jaorelang,
van de fokvereniging
Bej 't fiest van de stucadoors
hoefde die nie te klage
went durre vurzitter Janssen Frans,
wier tot ridder toe geslage.
Ant gebrek an eleetriciteit
miek dit jaor ok en end
al koste ien en ander ok
't vollek enne lieve cent.
Dat ien de aide stiene tied
Rooy Venray al was
ontdekte de oudheidkundige kring
ien Cassele nog pas
Dor vond men van 10.00 jaor
nog reste van den tied
die ge now goed bewaard
ient Roads museum ziet
En de neje weg um Veltum um
den han we höst vergaete
now zien ze 't stuk nar Wanssum toe
al bezig uut te maete
En de neej fabriek van Barneveld,
die ok geopend wier
naeve d'in- en verkoëp mikt me nog
struif en poeier en zoë mier.
En verget ok Inalfa nie
mit den groëte neje hal.
dat is als ik me nie vergis,
de vierd' uutbreiding al.
En wer ston er steigers um de bouw
wer kumt en stuk duran
wej vroege bej hun komst nar hier
wor ze al den grond vur nudig han?
Wer kumt er en nej fabriek
waor ze lieste in zun make
mer Venraods industrieterrein
begint stiekum op te rake.
Daorum wier en stuk bej gekocht
al kostte dat veul geld
dor is toe ovver ien de raod
ok biestig hard gesmeid.
Went daorvur mosse we in Berge
dor wassie nar verkocht (zien
de Raod vulde zich dur die handel-
toch wel efkes bekocht. (wies
Dur de opening van hun neje bank
liet Ysselsteyn zich huure,
de boere van dat durrep dor,
kunde om de bodschap stuure.
Ze bouwe en ze sjouwe dor
en breije steeds mar uut
dat durrep groeit - 't is en plezier
en gut nog alt veuruut.
Now werd de weg van de Vreej
de Midden Peelweg zo gezeed
ok midde dur dat Ysselsteyn
nar Horst toe aangeleed.
Mer ok de Beekweg werd verbrejd,
stöt op ons wegeplan
opdat me gauwer weg uut Rooy
nar het Westen rejen kan.
De kerkdurpe werre uutgebreid
kunde ien de planne viende,
die B. en W. op 't end van 't jaor
nog efkes gauw iendiende.
We hebbe planne bej de vleet
tigge 't end van 't jaor
duk vraogde toch ow aege af,
Hoe kriege we 't allemaol klaor?
Went asge de begroëting ziet
ziet 't er nie moj uut
ast Rijk tenminste nie mier geld
ient gemente-kiesje duut.
De hand- en spandienste - alder-
kan ok 't tekort nie dekke, (wets -
mer blieft schiens alle kritiek
toch zien bestaon nog rekke
Al zal de raod op 't end vant jaor
dur nog stevig tigge vechte.
We geleuve noëit dat ze d'alde burcht
nog zulle kunnen slechte.
Mer het LSO gave wej wel geld,
zien we an onze stand verplicht
mer vur en Rods vereniging
blief de subsidie-kist mer dicht
Wej zien dan bijna an 't end
en Rooy dat mikt zich klaor
vur enne neje burgervaar,
den kumt 't volgend jaor.
Went Venraoy rakter now vandaag
ziene burgemaester kwiet
den dan voort doëdgewoon
Mr. A. H. Janssen hiet.
Ien 23 jaor hit hej
vur Venraoy veul gedaon,
dat hit allemaol al uutgebreid
in dizze krant gestaon.
Dat werd vandaag wer opgehald
en allemaol wer gezeet
wat hen als burgemaester
vur Venraoy deuj en deed.
.We hoeve dat dus nie te doen
brengen um alliën maar dank
vur wat hej deuj vur ons gemente
die al die jaore lank.
Wej wense um vanaf dees plats
dattie lang nog meugt ervare
dat Rooy vuruut göt iedere dag
al mottut dan duk plare
We hebbe enne greep gedaon,
veul is hier nie vermeld,
toch hope wej dat desondanks
dit bitje ow be velt.
We zen niks ower 't toniël,
ovver culturele zake,
ower de jeugd en 't jeugdtoniël
da ze now wer verrig make.
Wat Rooy nog wil of neudig hit
is mer efkes angeroerd
mer toch hebbe we wel gezien
dat 't aarig hit geboerd.
We hebbe toch kunne zien,
dat Rooy vol laeve zit
en de vuruutgang van ons gement
viel ok dit jaor welmit.
Vuruutgang motter zien
wie stil stöt is verlore,
dur samewerking van ons al
wurdt den alliën gebore.
Ysselsteyn en de kom,
't Veulen en de Smakt,
Cassele, en Mersele,
en Oeldere mit de Blakt,
dat mot saam iën gemente zien,
worret goed is um te laeve,
dat kan as ieder op zien beurt,
wet te neme en te gaeve,
zoas de kom en elk gehucht,
dat streve mot versterke,
zoë motte ok de stande hier
vur dat doel samewerke.
Dat zal ons Rooy, letter mer op,
ok ien de toekomst groeje,
en zun de vruchte van dat werk
vur ieder van ons bloeje.
't Mot ons aller streve zien
de plats, waorien we laeve,
op elk gebied, op ieder terrein,
ons aller hulp te gaeve.
Zodat de naam van ons gement
de garantie steeds blieft gaeve,
't ister goed, 't ister schon
um ien Venraoy te laeve.
We hope, dat 't neje jaor,
dat alles ok zal brenge
en zulle dur op vurhand vast
en borreltje op plenge.
We hope dat wat kome göt
hiël duudelik en klaor
vur ons en vur hiël Rooy zal zien
EN ZALIG NEJE JAOR....
