Ut Smaal pedje
Neej Vastelaovesliedjes.
Vastelaovond 1948.
Ut vertelseke van
4jans en §ïUt{e
opperneejt verteld vur groëte
kiender dur Knient.
Nog nie zo hiël lang geleje, laefde dur
ien en land nie wiet hier vanaaf enne flinke
jonge aerebeyer. Den haaj op iën of andere
kerremis en mègje Iiëre kenne. zo schon,
dat ie achter mekaar mesjokke was. Ut was
dan ok en arig kiend, bloonde heur, belle-
fleur-wange, vergèt-me-nie uegskus en en
paar uerkus um de hiële dag an te trekke.
Ze stoond stevig op de waereld en kos
tigge en dowke.
Ze rakte an ut vreeje en nao en tiedje
begosse ze ovver trouwe te praote. Doe
gebeurde er ien ens wat hiël aergs. Dor
kwaam oërlog. Wilde volksstamme kwame
uut ut oëste, nome de minse alles aaf en
meej ok nog mit. Hannes mos wegkroepe
en dorrum kos van trouwe den uurste tied
niks komme. Doe de minse hos zö kaal as
luus worre, kwame andere lande os helpe.
Die kwame mit en kwoj sort groëte
bromvliege en vanuut de locht len die enne
hiele hoep eier. Dat ze nog gruun worre
kost te goed merke, went as ze urgus op
viele knatste ze uut mekaar. Ze mieke en
groëte smerlapperej en veul kepot.
Toch kwaam ut nog goed van pas. Ze
worre al lang van plan van ut dörpke wor
Hannes woonde en stèdje te make. Mer
da goonk nie, umdat alles ien de weg
stoond. Now kosse ze mer afbraeke en dat
din ze ok en nie zon bitje.
Op enne kiër begos ut hiël aerig te
raegene en doe mosse ze efkus uutscheije.
Nao de raegen won ze wer beginne mer
ze zage, dat er zowat niks mer stoond. Doe
zien ze d'r mer uutgescheijd.
Ozze Hannus haaj waeruk zat en ver
diende enne moje sent. Um en vurbeeld te
gaeve, Zien bruurke kwaam krek van de
schol en verdiende stik mier as ziene maes-
ter.
Netuurluk was de vreejereej nao al den
ozel wir vortgezet en dor Hannes beej zien
loën nóg toeslag en aaf en toe geregeld
zwart geld derbeej verdiende, beslote ze
mèr um te trouwe. Grietje was ien de
zeuvende hemel en ze docht ien den achste
te komme.
Ze hielde gen groëte brulluft, went alles
was nog raar. Vurloepig trouwde ze beej
zien moeder ien, umdat er gen huus, jao
zelfs gen hennekuij te kriege was en daor-
beej kwaam nog, dat ze gen meubels en
ander gereij vur den huushald han.
Mer ze worre toch gelukkig. Dat geluk
is aegeluk nie te beschrieve en dorrum doek
ut ok mer nie.
Noa en jaor krege ze en kiendje, en
matje en Grietje wooj now toch mer liever
allien wone. Hannus goonk er op uut. Mer
nurgus gen huus of en par kamers te kriege.
Ien de mèste huus zate ze al mit twie
huushaldinge en dor wel plats was, krege
ze koshiere, en tante op bezuuk, ze krege
en nichje te lesjiere of de kamers worre
nog kepot. Op slot van rekening goonk ie
nao de huuzekemissie. Die hiere ménden ut
goed. Ze wisse nog wel en plekske. Dor
woonde nog en aide heks alliën ien en
groet huus. De kamers wiere ien beslag
genome en Hannus goonk is mit ut vrowke
praote. Mer dor was nie mit te praote. Ze
krieste mer den hiele tied: „Ge komt d'r
nie ien. Ge komt d'r nie ien."
Hannus wir nao de kemissie. „D'r nie
ien" zej die." „Dat zuw we is efkes zien.
Dan mer mit de peliesie." En dor op enne'
goeie dag trokke ze d'r hin. Veurop Tienus
Gummiknuppel en Sabelhandrie, en paar
handwagus mit den huusraod en Grietje
mit den kienderwagen d'r aachteran.
Tienus sloeg mit zien voest op de deur,
mer niemus kwaam. Heej sloeg nog èns.
Dor vliegt de deur ope en de aide heks
stüt mit en gloeiig roakeliezer kloar um de
hiele zaak uut te brande.
Handrie greep ur dat ding uut de hand
en zej„As ge now nie gaauw en bitje
kalm ziet, goa de mit nao ut kotje." Dat
hielp, Alles wier nao binne gesjouwd en
toe de aide heks, dat klèn kiendje zaag,
veranderde ze op slag. Ze kosse ut hiele
huus hebbe as ze wón. Zeej haaj allien
mer en slaopkaemerke en en huuskamer
nuedig. Ze kosse ut bést same vriende en
Hannus en Grietje laefde nog lang same
gelukkig en te vreeje beej de aide heks.
En as de widderopbow nie harder opschiet,
wone ze ur ovver vief en twintig joar nog.
FRANS Hoe viende geej die witte huus an
de Langeweg?
FRITS Moj, mer ut is jommer, dat er rame
ien staon.
I RAN SWoarum
FRITSDan han ze hier veur hiël Yenroy
zoermoes ien kunne make.
FRANS: Frits, wat kiekte toch beroerd?
FRITSIk bin zö verkelt, dat ik miene snot
koker wel op de rioliering an kan sluute.
FRANSDan motte mer nie op de Lonse weg
gaon wone, went dor zit ze altied toe, en dan
kunde 't nog nie kwiet werre.
Vastenaovendlied 1946.
Ut stamlied van de Raod van Ellef, dat altied
gezonge werd as die elf gekke urges binnekomme
ien 't openbaar:
Wies: Yeltums© Mars.
Haze stekt de start is ien de locht
En kroept en paar daag vroeg is uut den bocht,
Spits de oêre dan en vergèt aA wat ow diert -
Went d'r wört dit jaor wer Carnaval gevierd
Piêlhaas, doet now mer is gek
En vergèt ow zorg en owen drek,
Vastelaovend is 't, hangt now nie an moeders rök
Zingt en springt as enne jonge mök. (bis)
Carnevalslied 1947.
Wies: Louise, zit nie op je nagels te by ten.
Ens ien 't jaor dan kumt den tied
Vur man- en wiefkeshaas,
Dan duut ie anders dan gewoon,
Dan is de gek de baas,
Dan zet ie alle zörg op zie
En denkt nie an verdriet,
Mer trekt en hiel gek pekske an
En zingt 't högste lied.
Zeg haze, hazinne, blief nou toch nie binne,
't is wer Vastelaovend.
Nie werke, nie poetse, laot dat nou mer roeste,
't is wer Vastelaovond.
't Is enne gekke tied, de kniezers jao ten spiet,
Make weej jool en lol en iederen haas den duut
dan dol.
Zeg haze, hazinne, blief nou toch nie binne,
't is wer Vastelaovend.
En of ge jonk ziet of wel aid,
Zo stief wie as en plank,
Of ziede van 't vrète dik,
Of ziede nog hièl slank,
Dat duut d'r allemaol niks an toe,
't Is wer Carneval,
En jong en aid en dik en dun
Duut wer is van wal.
En as 't wer Aswoensdag is,
De katers nog nie weg,
En hier en daor lit ennen haas
Te slaope ien en heg,
Dan dénk mer: och 't mot zó zien,
Wurrum is ens gèn plezier
Went Vastelaovend is 't ien 't jaor
Mer altied enne kier
Ut Smaal pedje göt weg. „Wat en ramp" hit
mennig Raods megje ien eur aege al gezucht.
En och, weej megjes hebbe van oozze kant be-
keke, ok groêt geliek.
„Wat now zoê hebbe er al veul gedocht.
Jao ut is toch echt zund.
Went waor koste fijner gaon wandelen mit
„um" as daor Is er wel iên pedje ien gans Rooy,
dat zó moj is, as dit. Zö moj, dan wel te ver-
staon ien oons oege. Aegelyk is ut mer do'êd
gewoon. Ün smaal onhendig pedje wor ge kwel-
luk fletse kunt zónder owwe fiets te schröme
of ow klier te scheure. An iêne kant de groëte
heg en an de andere kant 'n veld. Wat is dor
now vur schons an? Jao, zoê praote de groëte
minse, die er gen verstand van hebbe. Mer weej
megjes, weej bekieke dat mit hiël andere oêge,
Vur oos is ut ut pedje beej uutstek. Wie van
oons hit er al nie aens mit kloppend hart geloêpe,
toen heej vur de uerste kier vroeg of ze mit
goonk en strötje um. Voonde ze toe nie vanzelf-
spraekend, dat ut „strötje um" ut Smaal pedje
was.
Hoeveul schuchtere weurt van uerste liefde
zien er nie gezeed Hoeveul harte hebbe daor
schiens vur ut uerst en bitje gawwer geklopt
vur „um".
Vur hoeveul „liefdes" is ut Smaal pedje nie de
bakermat? Niê, zoêas ut Smaalpedje, zoè is er
gen ien gans RooyIs er wel iên pedje mit zó'n
moj pörtjes.
Is er wel iên pedje zö doon beej en toch ok
wer krek wiet genoeg weg?
Jao, weej megjes hebbe groêt geliekut Smaal
pedje göt wegWat en ramp
EN JONG MEGJE.
Ze hebbe meej gevraogd, wat te schrieve ovver
ut Smaal pedje. Wa'k mo'k dor now ovver schrieve.
Ik viend ut en smerrig stinkding. De hund
komme dor um wat kwiet te werre en vur de
rest kunde dur höchstens ow hand schreume as
ge d'r mit de fiets dur kömt. Ze zegge, dat ze
d'r ok wel is gon vreeje. Vroeger schiens wel,
mer tiggesworrig nie mer, geleuf ik. As de blage
kwellik van de schol zien, zien ze al zo „offisieel
verloofd". En die hebbe ut nie mer neudig. Ze
hebbe groêt geliek dat ze ut mer op rume. Ut
dient nörges mer vur.
ENNE VIEFTIG JAORIGE.
(Den hit ut er vroeger zeker slaecht getroffe 1)
Redaksie
Uerste pries: Sraar Janssen.
(Wyze: Si-si-Senorita)
Mannen en vrouwen
Loêpe te sjouwen
Gekke klière an
•Schrèwwe en zinge
Doen gekke dinge
Dor snapte gaar niks van
Eur snute zien beschilderd
Mit- roêd en paars en gries
Ze lieke verwilderd
Hoe zien ze zo onwies.
REFREIN:
Zoê zien weej hier ien Venraoy
Drie dage lang mit carneval
Zoê zien w©ej hier ien Venraoy
Mit optocht en 's aoves op 't bal
Zoê zien weej hier ien Venraoy
De gekheid is los in ös stad
Iedereen dnut lol
Iedereen het lol
Zoê zien weej hier ien Venraoy
Italianen, gèle Javanen
Alles is beejèn
Cowboys en Polen
Brune Spanjolen
Maken samen jen
Ze kennen gennen oêrlog
Gèn bom, granaat, mortier
Ze laeve steeds ien vree nog
Ien 't dörpke van plezier.
Ze drinke cetroentjes, gaeve
veul zoentjes
Kris kras dui mekaar
Eten kadetjes, warm kroketjes
Smoèke en sigaar
En 's merges hebbe ze kater
De slaop is nog nie uut
Ze drinke dan mer water
En dan gut ie wer vurruut.
Twedde pries: Jean Hoex.
(Wyze: Heidewitzka)
Haze zeg stek vandaag de start ien de locht
Kroept uut den bocht, brult da ge krocht
Hazinne kroepte geej ok uut ouwe nëst
En doet ok is ow bëst
Gekkigheid pëst, wie zingt 't mëst
Haze, Hazinne doet now ow bëst
Went Vastelaovend is den tied van de mök
Alleman dénkt: lek mej de zök.
REFREIN:
Vastelaovend nouw van den band
En doet mer gek, dat is vandaag gen schand
Probierde as ennen haan te tokkele
Of staode van de lach te schokkele
Vastelaovend, now van den band
Den 't gokste duut den hit 't mest verstand.
Den bovve-maester kumt ien de twède klas
vraoge wanneer de jonges gebore zien.
„Wie is ien 1940 gebore Enne haele hoèp
vingerkes gaon d© högte ien.
„Wie ien 1939 Andere mennekes stèke de
vingerkes op. Sjengske, den zien oêge goed de
kost gilt, begint op enne kier druk te doen.
De bovve-maester vrögt wat er a'n de hand is.
„Bèj", zit Sjengske, „Pietje is ien 1940 gebore
en ien 1939 staak ie al'ziene vinger op 1"
o
Enne pestoêr wooj de devosie tot den heilige
Antonius beej zien schöpkes wat a'nwakkere.
Heej vroeg a'n de koster ofter nergus gen beeld
van den heilige mer was. Böve op de zolder van
de gèrfkamer stond nog en beeld, aid en smerrig
en hier en daor en stukske d'r aaf. De pestoêr
liet 't wat opknappe en 't wier ien de kerk
gezet.
Op enne middag kumt de pestoêr een van zien
parocliieane tege en mikt en praotje. „Hoe gud
det Koba „Och pestoêr, zit ze, 't gud goed,
mer ik heb zo'n verdolde pien in mienen erm.
„Och, zit de pestoêr, wette wat ge doet. Ge
gaot mer is nao de kerk, ge geft en ufferke en
ge bidt en bitje beej 't beeld van Sint Antonius,
trekt um ziene groëte tién mer uut, den stöt
toch los en vrieft dor mit mer is ovver owen
erm, dan zal de pien wel óver gaon."
En warempel, de pien was over.
Wat wooj 't geval? En paar daag later kumt
de pestoêr op de boerdereej van Hannes. Hannes
was nao 't veld, mer Truuj was thuus.
„Hoe is 't er mit", zit de pestoêr.
„Och, klaagt Truuj, 't zeuj allemaol goed zien,
mèr ik heb bar last van den bikaers."
„Och, zit de pestoêr. Daor kunde wel van aaf
komme. En heej gift aan Truuj wer dezelfde
raod. Zo gezeed, zo gedaon. Truuj volgt sekuur
hetzelfde recept op en... weg is de bikaers.
Tigge den aovond kumt Hannes van 't veld
tuus, mit en gezicht, zo laank as van en koe.
„Wat hedde toch, zit Truuj, en Hannes vertelt,
dat ie verr... van de tandpien.
„Mer jong, dor zudde gaaw van aaf zien. En ze
vertelt wat zeej vad middag hit mitgemakt.
Hannes, ok nao de kerk. De pestoêr löpt tor te
breviere. Mit en knikske van goedkeuring ziet
ie Hannes beej Sint Antonius bidde, offere en
mit Sint Antonius zienen tién ovver zien kaeke
strieke.
As 't aafgeloêpe is, trekt ie en schaef gezicht
en lekt mit zien tong nèvve zien lippe.
„Wat is ter, zit de pestoêr, is 't nog nie óver
„Niè, zit Hannes, mer ik geleuf, dat Sint An
tonius dur de str... hit geloêpe.
FRITSHoe zun ze now dit jaor mit de
vastenaovend danse?
FRANS't Is mer gewoon wat veur en aach-
ternut drave tiggesworrig, vroeger koste zo'n
vrommes nog is flink vast halde en rond drèje.
FRITSMer as ze dan flink dol was, ginge
z© der ok mit op sjouw, net zo goed as vandaag.
Heej meuge wer slage
Klatergold en parelwien
Harte vol van zonneschien
Bliêheid klinkt ien zuvre klanke
Zoè zal Venrooj de Piêlhaas danke.
Ut is al 5 wer ennen hiêlen tied geleeje, dat
weej Prins Con, Sjeng en Zjène, as de aafge-
dankte Prinsen, ozze stoel mosse gaon zuuke ien
de motvreeje prinselyke familiekelder, worien we
mit al ^ós grasie en stasie netjes wierenAopge-
lörge.
Dor laeve de Prinsen en de Piêlhaasman is 't
um ondertusse al lang dur 't keldergat nao bute
gesmèrd) verder, taerend op de bliej herinnerin
gen, die de Pièlhazenfemilie um geschönke hit.
Prins Willem I, ozzen opvolger, kan zeker
rèkene op aller mitwerking, die Venrooj ok ós
z© riekelik bezorgde.
Weej hebben ut echt fijn gevönde, um is drie
daag baas te zien ien ós Piêlhazeland.
En werkelik, ge hedt ós 't regiere nie lastig
gemakt. Ge hedt allemaol goéd opgepast en ok
veul schik gehad.
Ok op de Kerkdörpe was 't ovveral éven ple-
zierrig. En dat mot ok. Op zien Venröds, dar. is
't goed I
En wer zal'enne Prins drie daag regiere ovver
Venrooj. Wer zal ennen optocht dur de aide,
kroom straote trekke en wer zal 't slot zien van
de Vastelaovend en boerentrouwpartij.
Weej hope, dat ge 't werk van die kels, die
dor zo hard vur gewerkt hebbe, zult wiêten te
wardiere. Stekt dat dan ok nie onder stuul of
benk, gaot bóve op die stuul of benk staon en
zwaai hoed of kieps ien de hugte en helpt oos
um van de Vastelaovend te make, wat er van
te maken is.
En dit möt nog èfkens van oos hart: weej
hebbe is erges gelèze, dat énne van de wieste
minse, die d'r ooit gelaefd hebbe, gezeet hit, dat
't goed en neudig vur enne mins is op zienen
tied is hiêl gek en dol te doen.
Now dan, enne kiêr ien 't ganse jaor is toch
gaar uie te veul. Weej zun dan, later wer wies
geworre, dobbel kontent kunne terugzien op die
lollige daag, die zonder twiefel zun beejdrage
tot versterking van de ièndrachr en de samen
werking van de Venraodse bevolking.
Prins Willem I, enne plezierige Vastelaovend
wensen weej ow van harte. Lang léve ozze
neeje Prins
Blief wakker Piêlhaas
Ex CON I
Ex SJENG I
Ex ZJÊNE I
Venrooj, Vastelaovond 1948.
EN ERNSTIG WOORT
IEN ENNE GEKKE KRANT
Now we dan wer vur de vierde kiër ozze Vas
telaovend ien Rooi wer gaon vieren, ister en
groët verschil mit annder jaore. Wier vroeger de
Vastelaovend georganiesierd dur afgevaardigde
van alle meugelike veieniginge of dur enkele
minse en as 't Asselegoensdag was, dan zen ze
tigge elkaar: 't Is wel op 't kentjé aaf gewist,
mer we zien d'r toch wer dur gespartelt, laot
andere dat 't vollegend jaor now ok mer is op-
knappe".
En zonder a'n al de goei dinger aafbreuk te
doen, di© vurrige jaore gewist zien, now is vur
dizze Vastelaovend beslote, nm der en vaste ver
eniging van te make, mit statute, reglemente,
kemissie's, enne vurzitter en enne pot. En het
resultaat van al dat werreke werd now gepresen-
tierd. Och alles marchiert nog lang nie zo as 't
mot, mer dizze Vastelaovend is en neej begin.
Nao Asselegoensdag is er gen end, mer werd
alwèr begonne vur de vollegende.
En dat mot, dat is now al vier jaor gebleke.
Vier jaor lang is alles ien drie, vier wéke verrig
gemotte en zien der duk hartkloppinge gewist,
of 't now lukxe zeuj of nie. Ut vullegend jaor
mot dat anders zien. Oos kerkdurrepe kriege en
vaste kemissie, die vur ieder kerkdurrep ien 'r
groot verband de organisasie op zich nimt, zurgt
vur goej dansgelaegenhoid, praot ovver meziek,
planne mikt vur de groèten optocht en de boeren
bruiloft mit ien elkaar hellept zette, de prins
ontvingt, vur reklame zurregt enz.
Zo werre de kerkdurrepe geholpe en kriege ze
al de steun den ze nuêdig hebben en wille.
De propeganda begint dan ok vroeger. De fiêst-
kemissie zurgt vur de zittinge van de Raod van
Ellef. Dit jaor hedde al en begin gezien, mer 't
wurd nog béter. De „cente-minse" zurge dat de
pot (den vur de eens neturlik) ok is énne kier
nie leeg is, vurdat ut speul al begin, ien eën
woord al die duuzend dinger, waer now alt veul
te wennig op gelet is, kriege ut kommende jaor
is en goej beurt.
We mène, dat now alleman toch wel 't belang
ienziet van enne goeie Vastelaovend ien Rooi,
dat 't kan, hit 't verleeje beweze, dat 't nog
vul béter kan, mot de toekomst uutwieze.
En dorvur is één ding neudig: Samenwerking.
As de kerkdörp9, buurfe, vereniginge en alle
man mit werrekt, dan gut 't ok priema.
We hebbe hierbaove gezet: en ernstig woord
ien enne gekke krant, mer dat is danok bitt'ren
ernst
As we nie allemaol mitwerreke, dan kunne
we ower en paar jaor oos jonges en megjes wer
op ander plats© tegekoinme, zitte de zakeluuj
hier vur pietsnot en gaode ut belaeve, nog vul
erreger as vroeger oit, wat dat betékent.
Ien dit verband doen w.eej dan ok en dringend
beroep op allemaol ien ooz gemènt, vurral op de
Kerkdörpe, um nog mier as vroeger de hand uut
de mouwe te stèke om te zurrege vnr enne goeie
Vastelaovend
-o—
Dan de zurreg op ziej en mer wer is gek ge
daon, gelache en plezier gemakt. Weej zellef en
de veul vrimde, die komme zun.
Prins Wim I mot enkel regiere ovver dol Piol-
haeskes, die op en gepaste en goei menier Vas
telaovend viere.
Dat is ow en oos van harte gegund.
Blief wakker PiêlhaosHET BESTUUR.