binnengaon wier 'n gedicht
vurgelaeze dur 'n zuster of nicht van
bruud en brudegom en krege die 'n
gieske jenever angebooie. Dan was
d'r koffietoffel. As iederiéën zich dor
an te goéd haai gedaon, ging men de
kafee's af um te danse óp de muziek
van 'n trekmoèënike. Iedere jónge kei
betalde zien eige vertaering en
allemól bijjén mósse ze zó veul
uutlegge, dat de vertaeringen van de
megjes en van het bruudspaar en de
spulman ók betald kósse werre. Dat
wier dur de twiéë getuge geregeld.
Het loeën van de spulman mos ok
dur de jóng kels wei re uutgeled.
En brulleft was altied óp ennen
Dinsdag en duurde maestal twiéë
daag. Den örsten dag kwaam 't
joonkvolk, óngetrowde naeven en
nichte, kiender van de dónste
naobere, de schieters, vriende van
den brudegom en vriendinne van de
bruud. Den twedden dag hadde
oéëmes en tantes, meens en vrow
van de naobere. Op platse was het
ok andersum. Um 'n uur of twiéë,
driej wier d'r gegaete. Zó'n fiëëstmaol
bestoond uut soep, erpel mit vleis,
gesnijje boéëne uut enne Keulse pot
- ander gruunte waore d'r vroeger
mit Pósse nie mit gekókte schenk
en rieste pap mit gekókte, gedrögde
proeme. Nó 1925, toew men het
ienmaken ien sterilisièrglaas kende,
hén ze nog van alles miér. Zónne
fiéëstmóltied wier altied alle iér
angedaon. Nó het aete bleef men
nog efkes en dan ging het wer nó de
kafee's um te danse tot 'n uur of
tién. Dan ging het wer óp huus an,
want dan stoond de koffietoffel wer
klaor en d'r nao wier d'r gedanst,
gezónge en vurgedrage, mei wel tot
d'n andere maerge, want duk waore
de bruurs van den brudegom zien
vriende d'r óp uut um 'm den ganse
naacht óp te halde. Het bruudspaar
van ziene kant prebierde d'r dan
stiekem tussen uut te gaon. Dan hén
ze mit iéën of ander femilielid wel
afgesproke wó ze kósse slaope.
Ok wier wei es de slaopkamer van
het bruudspaar hiéëiemól underste-
baove gehald of het bed schaerp
gezatte. As men d'r ien ging ligge,
viel men d'r durhin. Op sómmege
platse bróchte de naobere óp de
maerge van den trowdag ok en tötje3
roeëme nó het huus wó de brulleft
gehalde wier. Kós d'r um iéën of
andere rijje gen brulleft gehalde werre
- bijvurbeeld 'n sterfgeval ien de
femilie - dan was het 'n
óngeschreve wet, dat den brudegom
an elk van de schiéters enne guide
gaaf. Dorran wier streng de hand
gehalde. Want as ge prebierde um
öw dorran te ónttrekke, kóstte óp
enne maerge wel es en ganse héffei
pezerikke an de durkleenk viende En
die kans liép men liever nie.
Oelders Teng Bots
évvenr advent
bow: oogst
lótjc. kan not je
