Liedjesmiddeg 2001
Afgeloeëpe zondag wier alwér d'n 13e liedjesmiddeg van
De Karklingels gehalde. D'r ware dizze kieër mar 4 deelnemers
die hun liedje, allieën of mit mieër, ten gehuuëre bróchte. De
opkomst van ut publiek was zóas gebrukelek wèl aerg goed. De middeg wier
geopend dur Prins Bas I, dén Marcel en Dave naor baove riep urn ze ien ut
"officiële 4x11 fieësttenue" te hijsen. Dornao ware die twieë klaor urn de
presentasie van d'n middeg aover te neme. Onder deskundige begeleiding
van de Eikenhofkapel ginge vervolgens ös artieste van start vur d'n urste
roonde. Nao én korte pauze ging d'n twedde roonde van start worien alle
liedjes, ien umgekieërde volgorde, nog enne kieër wiere gezonge. Ut was
dudelek te maerke dat de deelnemers de zenuwe baeter onder de kneej han
dan ien d'n urste roonde want de maeste liedjes kloonke nog stukke baeter.
Toen was ut waachte op d'n uutslag. Dizze spannende tied wier opgevuld
dur de priesuutreiking van de loeëterij. D'r ware wér verschillende pries
beschikbaar gesteld dur de Aostrumse ondernemers en ut was an Prins Bas
I urn dees uut te reike. Toen de spanning hoeëg genoeg was opgeloeëpe
haaj de jury de punte geteld. Uut-aendelik haaj ut liedje "Wat én geluk" van
Ut Göt de maeste punte en wiere zij, vur d'n twedde kieër ien hun carrière,
de winnaars. Dat dit vur de maeste meense d'n terechte winnaar was, bleek
uut de maximale score van 60 punte. Twedde wier @ostrum.nl (Bas Künen,
Jan en Willem Verheijen) mit "Fieëst vurDe winnaars van vurrig jaor,
Helga en Tielke mit "Wat trék ik an?", wiere derde en de Zooi mit "De Kar-
klingel vier kieër elluf" vierde. Dizze dertiende liedjesmiddeg wier afgesloten
mit én knallend optreeje van "De Vrolijke Jordanezen". Die voondte
zichzelluf "prettig gestoord" wat niks te veul gezét was. Al mit al wér enne
biëstig schónne middeg waorvan wij ien ieder geval genote hebben en
hopelik gillie ok. Nogmaals iederieën bedaankt vur zien of eur beejdrage an
dizze schónne middeg.
De kemmissie Liedjesmiddeg
13
STRUM
c>
oostrum