Boerebrulluft Aostrum
Ondanks ut sléchte weer hebbe weej in Aostrum un onvergèttelikke
boerebrulluft gehad.
D'r han zich veul meense verzameld beej café-zaal de Karklingel van
wooruut de stoet mit ut boerebruudspaar suuj vertrekke vur un optocht dur
Aostrum. Ut sneejde flink mar desondanks stonden dur toch nog veul
meense langs de kant te kieke. Beej ut parochiehuus angekomme wier
buute in de sneej ut boerebruudspaar in de onecht verbonden dur de
ceremoniemèster. Dit duurde gelukkig nie al te lang zodat weej snel noar
binne kosse, want ut was buute toch wel erg kalt. len ut parochiehuus begos
toen de receptie vur len en Thijs. D'r waare veul meense gekomme urn len
en Thijs un hand te géve. Verschillende serenades wiere gebrocht mar ut
moiste van alles was toch wel ut optreeje van de kinder van ut
boerebruudspaar. Noud en Anouk van de Mortel songe saame mit Jan en
Willem Verheyen un prachtig liedje. Ze wisse de stemming d'r flink in te
kriege want alle meense songen lekker mit.
Noa de receptie volgde de kroegetocht dur Aostrum. Urst ging ut richting
café-zaal de Karklingel en noa un uur was ut Allemanscafé an de beurt.
Noadat we hier van terug kwaame han weej toch wel vort honger gekreege.
len ut parochiehuus stoond os un schitterende echte alderwetse koffietoffel
te waachte.
An alles was gedocht, de köje stonde op de toffels, de bloedworst en de
balkenbrij wiere ter platse aebakke dur Joos Truyen en Jan Bierman, d'r
waare verschillende sorte mik en beleg en ouk han ze de koffie en de vlaai
nie vergète.
lederiën haaj ut goed noar de zin en vonde schienbaar toch wel erg lekker
want bijna iederiën ging vuer enne twedde of zelfs vur enne derde kier terug
noar ut buffet urn siene bord nog es vol te laaje. Noa ut ète kreege we
allemoal enne borrel Jagermeister urn den zwoare kost béter te loate
vertère.
Urn neege uur begos ut latste bal van de carnaval. D'r wier flink gezongen
en gehost en ok ut bier wis de weg noar de mond goed te vinde.
Helaas kwaam an disse onvergèttelikke dag ok wèr un eind, mar ja, ut mot
toch enne kier genoeg sien.
Namens ut boerebruudspaar len en Thijs van de Mortel won weej iederiën
hiel hartelijk bedanken vur de geweldige opkomst. Dankzij ollie allemoal is ut
un gigantisch fiëst geworre urn nooit te vergète.
9
BOEREBRULLUFT AOSTRUM
INE TROUWT THIJS 1996 OOZO