22 tuft Luëne Op vastelaoves dinsdag 8 fibberewarie is ut wer zo wiet. Dan zette Annelies en Theo enne hieële groëte stap ien hun léve. Ze goan dan trouwe ien den onecht. Dit beiöft enne knallende vasteloaves dinsdag te werre den ge nie mugt misse. Zeker umdat van te vurre ok nog ut ring stéke mit pèrt en wage is. Mar as ge ut boerebruudspaar wilt afhale dan ziede um 15.00 uur van harte welkom beej ut huus van ut Boerebruudspaar. Dit viende wel want ut is ut mojste huus ien de Vullingsstroat. De buurt het zich wér uutgeslooft en ut huus prachtig versierd. Van hier uut zal ut bruudspaar um ongevear kwart ower drie vertrekke noar ut Knollehuus. De stoet van ut bruudspaar kriegt dit joar un schone muzikale umliesting dur hun eige joekskapelle. Weej hope dat dur veul meense mit loëpe in de stoet noar ut Knollehuus en dörnao mit noar binne goan um te zien hoe Annelies en Theo ien den onecht goan trouwe. De trouwereej van Annelies en Theo begint um vier uur. Binde hieël creatief en wilde geej un leuk stukske opvoere of un vurdracht halde vur ut bruudspaar? Dat kan, mar gef ut dan wel efkes dur an ieën van de twieë sirremoniemester. Bel noar Jeanne van Dijck 588978, wel noa 18.00 uur belle!) en vertel wat ge wilt goan doen. Zoë wette zeker dat ge ow stukske veur kunt drage.

Dorpsblad Leunen-Veulen-Heide | 2005 | | pagina 23