Wat göt en jaor toeh gauw vörbeej wor. Jao 1996 is alwer host gewist en '97 stöt al te springe um te beginne. D'r is ok vanalles gebeurd ien Luëne't afgeloeëpe jaor. Zoeë wier onder andere de Schakel nie an d'n Brink vastgeschakeld, mar daordur was zeej zeker nog nie uutgeschakeld. Ok koste afgeloeëpe zommer fiereljeppe op os aege dorpsplein. Mit de muziekfieëste koste mit enne helikopter de lucht ien beej Christen Handrie ien de wei. Mit de zittingsaovende hebbe ze nog noeët zoveul artieste van aege bojjem op de plaenk gehad. En hedde ök gezien hoeveul kiendjes d'r ien Luëne ower straot liepe mit Sint Marte en mit d'n ientocht van Sinterklaos Of hedde misschien ok gehuurd van 't succes van 't laevesechte kerstspel uutgevoerd dur d'n boond vur aidere. Jao dit is mar enne greep uut 1996, mar hieran kunde wel zien dat Luëne laeft. En dat Luëne laeft kunde zelluf ök zien as ge op 5 jannewarie 1997 naor d'n Brink komt. Dan huurde nie allieën wat 't neeje carnavalsliedje van '97 wert mar kunde ök zien hoe 't boerebruudspaar 1997 dur niemand anders dan de stichting "Jong Luëne Laeft" an os vurgesteld göt werre. Dat belooft dan en hieël spektakel te werre. Want dat die jonges en megjes kunne fieëste dat wieëte zellufs beej Pietje Hèze de bieëste. Got now nog mar urst naor de vreejwillegersverkiezing van 1996 anstaonde vreejdag ien d'n Brink en naor 't kerstconcert van de Harmenie anstoande zondag ien de kerk, waor zeej zal probiere um nie mier lejje van 't dak te blaoze, mar ow 't echte kerstgevuul te gaeve. Notier wel vast 5 jannewarie ien owwe neeje agenda en op owwe neeje kalender. Weej wense ollie vurrurst allemaol prettige kerstdaag. Names de BBC Theo Voermans 15 A 1 997 BOEREBRULLUFT LUËNE

Dorpsblad Leunen-Veulen-Heide | 1996 | | pagina 16