Hoi Meense
Helaas kosse op vastelaovesdinsdag de perd nie van stal en de
reejtuuge nie uut de schop. Dur d'n hevige sneejval op den
middag mos de B.B joete sterk iengekort werre. T Bruuds-
paar, Gezelschap en 't hieële verdere gevolg mos te voet nor 't
knollehuus. Daorbeej vloog der nog wel mennige verse sneejbal
dur de lócht.
Naodat de joekskapel t hieële gezelschap t podium op geblaoze
haai, kos de offisiële sirremonie gaon beginne. Hay en Maria
liete zien dat ze goed op de höchte ware van de moderne
klompendans, en gave teves uutleg ower de herkomst van de
bruudsjonkers Rik en Paul. Hiermit ware teves alle beletsels
de wèreld uut. Bfkes latter wier dan ok duudeluk huurbaar 't
Jao-woord dur beiden uutgesproken en ware zeej vur de rest
van den dag ien den onecht verboonde. Nao en geweldige re-
sepsie mit en ongekend antal kadoos, kos 't gezelschap plats-
neme an de boeredis den gevuld was mit erwtesoep en brodjes
ham en kieës. Nao en ongekend antal vurdrachte liep zoeë de
middag langsaam op zien aend.
Nao en bezuuk van t gezelschap an d'n Herberg en domao an
t' jeugdbal beej Pietje Martes, waorbeej iederieën getraktierd
wier op en glittemeus was 't tied vur 't Boerebal ien 't knol
lehuus. Hier wier nog mennige mèter afgeleet ien de diverse
polonaise's die dur de Puppies gespuid wiere. Um ongevèr
kwart vur middemaacht was 't de taak an de sirremoniemèster
en den ambtenaar um 't Boerebruudspaar 1996 wer te ontbien-
de. Naodat de vastelaovend dur de vurzitter van de carnavals
-verieëniging offisiëeel geslote wier, koe iederieën mekaar
bedanke vur de geweldige vastelaovend en boerebrulluft 1996.
BOEREBRULLUFT
Names de BBC
Theo Voermans
LUËNE 1996
15