Hoi Meense,
13
Noa ennen heuse vreejgezellenoavend van ut boerebrullufts-
gezelschap, worbeej de kèls en de vrollie ieder euren aege weg
geenge hed mennige vrimde kèl van de Bruud gesnoept en is
den Bruudegom host mit zien plestiek-draagtas-zwemboks ut
water ien gemotte. Toen de kèls en vrollie ien de vroege uurkes
wer beejèn kwame, zien Wim en Netty urst nog dör beijskante
elders en de getuuge vurgelicht, zodat we os doar ien ieders
geval gèn zörig ower hoeve te make.
Anstoande dinsdag is ut dan zover. Dan zulle Wim en Netty en
de rest van ut gezelschap ien en moj stoet mit reejtuuge van
os aege Lunse koetsiers dur Luëne trekke. (Roete zie elders ien
de Ruuper) Um drie uur kunde dan allemoal getuuge zien
van de onecht-verbientenis van os boerebruudspaar. Doamoa
kunde ze allemoal en hèndje géve en felisitiere op de resepsie.
Joekskapel Noeët Tuus zal ien den tussentied vur de muzikale
stemming zörige. Doamoa kunde allemoal ennen hieële lekkere
bord boerekoeël mit worst kriege (twieë penninge) en ok an de
kiender is hierbeej gedocht. Dus vör den honger en den dorst
hoefde nie nor huus.
S'oaves zal ut bruudspaar noa en bezuuk an de jeugd beej
Pietje Martes nog en groeët boeremoesbal géve ien ut knolle-
huus. De muziekale noot wordt dan verzörigd dur Puppies
Huusorkest.
Dus Knöllekes en Knöllinnekes en alle buutelandse
carnavalsvierders kom dinsdag mit zien alle noar ut knolle-
huus en mak der mit zien alle en knalfieëst van zodat ut vur
ut bruudspaar enne geweldige en onvergèteluke dag wordt.
Tot den dinsdag allemoal wor
BOEREBRULLUFT
LUËNE 1995
Names de BBC
Theo Voermans
