21 Op vastelaoves dinsdag 28 fibberewarie is ut wer zo wiet. Dan zette Aldie en Theo enne hieële groëte stap ien hun léve. Ze goan dan trouwe ien den onecht. Dit belöft enne knallende vasteloaves dinsdag te werre den ge nie mugt misse. Zeker umdat van te vurre ok nog ut ring stéke mit pèrt en wage is. As ge ut boerebruudspaar wilt afhale, dan ziede um 15.00 uur van harte welkom beej ut huus van ut Boerebruudspaar. Dit viende wel want ut is ut mojste huus an de Meulehofweg. De buurt het zich wér uutgesiooft en ut huus prachtig versierd. Van hier uut zal ut bruudspaar um ongevear kwart ower drie vertrekke nor ut Knollehuus. Weej hope dat dur veul meense mit loëpe in de stoet nor ut Knollehuus en dörnao mit nor binne gaon um te zien hoe Aldie en Theo ien den onecht gaon trouwe. De trouwereej van Aldie en Theo begint um vier uur. Binde hieël creatief en wilde geej un leuk stukske, vurdracht of beletsel halde vur ut bruudspaar? Dat kan, mar gef ut dan wel efkes dur an de sirremoniemester. Bel noar Henk Kersten 585595) en vertel wat ge wilt gaon doen. Mak ow stukske nie te lang, hald ut kort en bondig. Zoë wette zeker dat ge ow stukske nie vur niks het gemèkfc en dat geej ut veur kunt drage.

Dorpsblad Leunen-Veulen-Heide | 1980 | | pagina 22